- ૧૯૫૮માં અમેરિકન પ્રેસિડેન્ટ આઇઝનહોવરે યુએસની ડિફેન્સ સર્વિસીઝ માટે `એડવાન્સ્ડ રિસર્ચ પ્રોજેક્ટ એજન્સી (આરપા)'ની રચના કરવા ભંડોળ ફાળવવાનું વિચાર્યું.
- ૧૯૬૨માં ઇન્ટરનેટ કન્સેપ્ટ વિશે પહેલું વૈજ્ઞાનિક પેપર લખાયું.
- ૧૯૬૯થી ૧૯૭૦ સુધીમાં આરપાનેટ વિકસ્યું અને જુદાં જુદાં પાંચેક સ્થળોએ આ નેટવર્કના નોડ્સ મૂકાયા.
- ૧૯૭૨માં આરપાનેટ માટે પહેલી પાર, બેઝિક ઇ-મેઇલ પ્રોગ્રામ લખાયો અને એમાં @ (એટ) સાઇનનો ઉપયોગ થયો (જેને આપણે સૌ હોંશથી `એટ ધ રેટ' કહીએ છીએ!)
- ૧૯૭૩માં આરપાનેટે અમેરિકાની સરહદ ઓળંગી. ઇંગ્લેન્ડ ને નોર્વે સાથે ઇન્ટરનેશનલ કનેક્શન્સ રચાયાં.
- ૧૯૭૬માં ક્વિન એલિઝાબેથ બીજાંએ ઇ-મેઇલનો ઉપયોગ કર્યો. એપલ કમ્પ્યૂટરનો પણ જન્મ થયો.
- ૧૯૮૦માં `ઇન્ક્વાયર વિધિન' નામનો પ્રોગ્રામ લખાયો, જેમાંથી વર્લ્ડવાઇડવેબનો જન્મ થવાનો હતો.
- ૧૯૮૦માં આઇબીએમે પહેલા પર્સનલ કમ્પ્યૂટરની જાહેરાત કરી અને માઇક્રોસોફ્ટે ડોસ વિક્સાવી.
- ૧૯૮૩માં, .કોમ, .ઓર્ગ, .નેટ વગેરે જન્મ્યાં અને ડોમેઇન નેમ સિસ્ટમ વિક્સી.
- ૧૯૮૪માં પહેલી વાર `સાયબરસ્પેસ' શબ્દનો ઉપયોગ થયો.
- ૧૯૮૫માં સિમ્બોલિક.કોમ નામે પહેલું ડોમેઇન નેમ રજિસ્ટર્ડ થયું.
- ૧૯૮૬માં આરપાનેટ ઓપન થયું અને ઇન્ટરનેટ વિકસ્યું. એ વર્ષે ૫૦૦૦ કમ્પ્યૂટર્સ કનેક્ટ થયાં.
- ૧૯૮૯ સુધીમાં કનેક્ટેડ કમ્પ્યૂટર્સની સંખ્યા એક લાખે પહોંચી અને માર્ચમાં વર્લ્ડવાઇડવેબનો જન્મ થયો.
- ૧૯૯૨માં `નેટ સર્ફિંગ' શબ્દ ચલણી બન્યો.
- ૧૯૯૩માં વેબના ઉપયોગમાં ૩,૪૧,૦૦૦ ટકાનો વધારો નોંધાયો!
અને પછી તો, રેસ્ટ ઇઝ ધ નોન હિસ્ટ્રી! મજાની વાત એ છે કે માણસને માણસની નજીક લાવતી આ ટેક્નોલોજી વિકસી રહી હતી ત્યારે દુનિયા આખીનું બધું ધ્યાન માણસને માણસથી દૂર, છેક અવકાશમાં લઈ જતા સ્પેસ પ્રોગ્રામ પર કેન્દ્રિત હતું!
No comments:
Post a Comment